影片
更多
2018-07-15
295 瀏覽
早排知道有間新開嘅壽司店喺人口密集嘅旺角, 所以相約咗幾個好朋友一齊去試食會一會去睇下佢係龍定鳳！大家去到門口見到個門面都裝修得幾有特色, 入到去見到一個座位都冇得坐, 顧名思義真係要企喺度食壽司... 食壽司要企喺度食咁大個仔都係第一次, 而家啲生意人真係有頭腦, 企係度食又唔使有坐位, 可以慳返啲鋪租之餘客人仲可以走多幾轉, 真係一舉兩得抵佢賺到盤滿缽滿！👍 聽朋友講未有呢間旺角店之前已經有尖沙咀總店。好喇！講咗咁耐肚仔好餓喇係時候要落Order, 不講不知唔講你哋又唔知, 小弟最鍾意食嘅就係帶子, 三文魚, 吞拿魚, 松腳蟹, 北寄貝, 劍魚腩, 甜蝦同埋至好味嘅海膽。呢度嘅海膽杯唔可以唔講, 因為小弟係第一次食海膽, 之前因為覺得佢望落滑潺潺同埋覺得賣相唔吸引所以一直都冇試, 就要喺呢一刻朋友極力推薦, 所以我鼓起勇氣臥薪嚐膽去會一會呢個海膽杯, 食落口第一淡嘅口感係，有啲似食芒果同埋真係"好好味"真係抵讚, 畀個叻叻你老闆搵到啲咁出色咁好味嘅海膽。呢度除咗有嘢食之餘當然仲有嘢飲啦！除咗一般汽水凍飲之餘, 居然仲俾我見到有麒麟啤酒同埋食日本壽司必飲嘅清酒, 呢度居然有四種日本清
大家去到門口見到個門面都裝修得幾有特色, 入到去見到一個座位都冇得坐, 顧名思義真係要企喺度食壽司... 食壽司要企喺度食咁大個仔都係第一次, 而家啲生意人真係有頭腦, 企係度食又唔使有坐位, 可以慳返啲鋪租之餘客人仲可以走多幾轉, 真係一舉兩得抵佢賺到盤滿缽滿！👍 聽朋友講未有呢間旺角店之前已經有尖沙咀總店。
好喇！講咗咁耐肚仔好餓喇係時候要落Order, 不講不知唔講你哋又唔知, 小弟最鍾意食嘅就係帶子, 三文魚, 吞拿魚, 松腳蟹, 北寄貝, 劍魚腩, 甜蝦同埋至好味嘅海膽。
呢度嘅海膽杯唔可以唔講, 因為小弟係第一次食海膽, 之前因為覺得佢望落滑潺潺同埋覺得賣相唔吸引所以一直都冇試, 就要喺呢一刻朋友極力推薦, 所以我鼓起勇氣臥薪嚐膽去會一會呢個海膽杯, 食落口第一淡嘅口感係，有啲似食芒果同埋真係"好好味"真係抵讚, 畀個叻叻你老闆搵到啲咁出色咁好味嘅海膽。
呢度除咗有嘢食之餘當然仲有嘢飲啦！除咗一般汽水凍飲之餘, 居然仲俾我見到有麒麟啤酒同埋食日本壽司必飲嘅清酒, 呢度居然有四種日本清酒比我哋選擇, 我哋當然唔執輸啦... 叫咗一瓶熱飲清酒"大吟釀"食住壽司飲住日本清酒講不出的感覺果然零舍不同😎
呢度呢間壽司店d壽司真係好好味, 到最後我自己一個人都食左至少30-40件壽司, 依度所有嘅特色壽司我哋都差唔多食勻, 真係名符其實抱住個肚走... haha！我個好朋友真係冇介紹錯頂呱呱👍👍我要畀五粒星佢🌟🌟🌟🌟🌟放心我下次一定會再拉大隊嚟再食過返尋味😍😏
三文魚, 吞拿魚, 松腳蟹, 北寄貝, 劍魚腩, 甜蝦同埋至好味嘅海膽
$500
19 瀏覽
1 讚好
0 留言
張貼
