蘇媽.蘇媽馬來西亞茶餐室 (已結業)

蘇媽蘇媽主打馬來西亞菜，尤其係佢地嘅肉骨茶味道正宗，每枱客人都會叫！餐廳裝修走懷舊路線，都幾有特色。🌟 百吉爹肉骨茶（三層肉）$68肉骨茶有五款，我地叫左三層肉，價錢最經濟，但肉嘅份量好多，肉嘅肥瘦比較適中。湯底用左當歸、川芎等多種藥材，有藥材嘅甘味，但又唔會重藥材味，所以飲落幾甜，唔會苦！最正係湯可以無限添飲，性價比十足！🌟 高佬麵配雞扒 $68雞扒真係超大塊，而且皮脆肉嫩，真係好好食😋！撈麵嘅顏色望落好深色，但就一D都唔會太咸，撈埋粒溫泉蛋嘅麵更滑更好味！🌟 椰香咖央多士 $38咖央係必食嘅馬來西亞小食，多士烘到香脆，中間搽上椰香咖央醬，帶有甜味同椰子香嘅多士令人食唔停口🤤🤤🌟 桔仔話梅水 $26酸酸甜甜嘅桔仔話梅水好開胃，可以減低油膩感😆🌟 美綠暴龍 $42美綠朱古力上層加左雪糕同朱古力脆脆，成杯甜品咁😂😆