影片
更多
2023-11-22
25 瀏覽
🍴 二世祖 📍 大角咀福全街18號地舖🗺️ 港鐵旺角站A2 出口，步行約7分鐘📱+852 2506 0638/ 5435 0812 (只接受電話預約）💰 ～$220per head平時已經聽唔少人講二世祖好多人排隊，要提前預約，今次好好彩早一星期成功預約到。入到去都接近全院滿坐。想Walk in 就要等到20:30/21:00後。牛油果奶昔🥑🥑飲落已經有好香牛油果味，甜度適中。不過唔建議太快飲完，因為會好飽肚就食唔落其他野食🤣🤣二世祖抹茶白朱古力奶 🍫🍼用餐廳提供嘅杯仔細啖細啖咁飲，可以慢慢品嘗濃濃嘅抹茶味朱古力奶。對於鍾意抹茶嘅朋友，呢個係必試之一。蒜香牛油帶子意大利粉🍝意粉偏向乾身，醬汁都係哂個底到，食嘅時候要撈均勻啲醬汁先。味道上好重蒜味，帶有少少少少辣，幾惹味，反而帶子煎到有少少過火，比較乾，食落無乜肉汁。😖二世祖特濃朱古力🍫呢個特濃朱古力係熱飲嚟，杯面鋪咗好多朱古力粉，飲落好濃朱古力味，而且唔太甜，岩哂中意朱古力但又怕甜嘅朋友，如果係冬天飲應該會好暖笠笠。☺️和風蟹棒粟米千島醬薄餅🍕Pizza上嘅芝士多到可以拉絲，配搭住蟹棒粟米都還好，餅底係薄批，偏向餅乾底嘅口感，食落幾脆身。😙
📍 大角咀福全街18號地舖
🗺️ 港鐵旺角站A2 出口，步行約7分鐘
📱+852 2506 0638/ 5435 0812 (只接受電話預約）
💰 ～$220per head
平時已經聽唔少人講二世祖好多人排隊，要提前預約，今次好好彩早一星期成功預約到。入到去都接近全院滿坐。想Walk in 就要等到20:30/21:00後。
牛油果奶昔🥑🥑
飲落已經有好香牛油果味，甜度適中。不過唔建議太快飲完，因為會好飽肚就食唔落其他野食🤣🤣
二世祖抹茶白朱古力奶 🍫🍼
用餐廳提供嘅杯仔細啖細啖咁飲，可以慢慢品嘗濃濃嘅抹茶味朱古力奶。對於鍾意抹茶嘅朋友，呢個係必試之一。
蒜香牛油帶子意大利粉🍝
意粉偏向乾身，醬汁都係哂個底到，食嘅時候要撈均勻啲醬汁先。味道上好重蒜味，帶有少少少少辣，幾惹味，反而帶子煎到有少少過火，比較乾，食落無乜肉汁。😖
二世祖特濃朱古力🍫
呢個特濃朱古力係熱飲嚟，杯面鋪咗好多朱古力粉，飲落好濃朱古力味，而且唔太甜，岩哂中意朱古力但又怕甜嘅朋友，如果係冬天飲應該會好暖笠笠。☺️
和風蟹棒粟米千島醬薄餅🍕
Pizza上嘅芝士多到可以拉絲，配搭住蟹棒粟米都還好，餅底係薄批，偏向餅乾底嘅口感，食落幾脆身。😙😙
原隻軟殼蟹龍蝦汁蟹肉海鮮西班牙飯🍛
軟殼蟹相對咸咗少少，但配搭埋飯一齊食就可以中和到少少。個飯都幾入味同有咬感。
二世祖超級窩夫配雪糕🍦
呢個窩夫可以配豆腐味或玄米茶味雪糕，我地揀左玄米茶味。朋友book台時提及過有人生日，所以上窩夫嘅時候，係加插住枝生日牌。😂😂
除咗配玄米茶雪糕食外，伴碟中嘅士多啤梨🍓乳酪同抹茶蛋黃醬都好好味，就算就咁食呢兩個醬都好味。
美中不足就係窩夫內裡有點先軟熟，焗得未夠乾身。
好食指數 🌕🌕🌕🌑🌑
推薦指數🌕🌕🌕🌑🌑
抵食指數🌕🌕🌕🌘🌑
張貼
