今日嚟到石門嘅一喜拉麵，店內以簡約嘅日式木系裝修為主，感覺舒服。入座之後店員遞上餐牌，就可以選擇自己想要嘅拉麵組合，餐牌設計簡單，可以因應自己口味選擇麵質同湯底濃度。
70
而且仲可以加 $30 叫滿腹套餐，追加小食同飲品。
49
另外仲有抵食嘅下午茶餐，下次經過都可以再嚟食呀！
1
✨濃厚醬油豚骨湯拉麵
湯底味道香淳，唔會過鹹或太濃，而拉麵入口有咬勁，軟硬適中，叉燒軟腍滑嫩，加埋香濃帶有蛋香味嘅溏心蛋🥚，口感豐富。
✨特濃黑蒜豚叉燒拉麵
香濃嘅湯底，加咗黑蒜油之後，一上菜就聞到濃濃嘅蒜香味啦，配埋煙韌爽口嘅粗拉麵，味道岩岩好👍
✨炸海苔魷魚
香脆魷魚充滿濃郁嘅海苔味，酥脆又可口，就算隔咗一陣先食都依然好脆。
✨羽根燒餃子🥟
餃子皮薄肉厚，底部微微脆，仲有豐富肉汁都幾香口。
