呢間餐廳不但有刺身壽司仲有好多日式料理任叫任食，真係非常之抵。
先講刺身，松葉蟹腳新鮮，北寄貝爽口，三文魚肥美，仲有青口等海鮮冷盤，十分豐富。
令我最難忘的是特色料理，酒漬鮑魚彈牙，鵝肝多士肥美甘香，每一口盡是鮮味的鮑魚蟹粥，更是令人難忘。
燒物方面，不單有羊鞍、牛舌、雞軟骨等等，還有燒榴槤、燒菠蘿及草蝦等等，款式十分多元化。
飲品除一般大路之外，還有樽仔奶茶，清酒、日本罐裝啤酒，選擇非常之多，全晚飲嘢都可以保持不同，啱晒多心的我🤣。
最後當然要食甜品啦，除咗雪糕任食之外，仲有燉鮮奶，非常養顏。
餐廳環境好舒服，侍應態度親切，覺得十分超值。
