影片
更多
2023-02-15
530 瀏覽
今晚一大班朋友約食飯，想揀間有少少氣氛但又傾到偈的餐廳。揀咗屋企附近的海邊餐廳，聽講唔易難位，人氣非常高！一行七人，預先openrice book 位，被餐廳安排樓上雅座，裝潢都落過心思，以綠色做主調，配上金光閃閃的裝飾，帶出一種復古感覺，打卡一流。Frites主打比利時菜，當然要試佢最出名的青口、豬手和啤酒!!🍴招牌忌廉青口有6隻味可以揀，想先試House Mussels，原煲上，溫度control得好好，醬汁由蒜、洋蔥、忌廉煮成，奶白色勁Creamy，另外加了少少蕃茄，多層次少少，又令到忌廉汁唔會太膩。鍾意食白汁忌廉的話，蘸包食一流。平時唔太鍾意食青口，不過餐廳煮得好味，好juicy又滑口，青口再入味少少的話，真係正到不得了。🍴鹹豬手鹹度剛剛好，味道很好。外皮燒得勁脆口，唔油好香。但係肉質juicy，唔會太過硬，一讚。豬手底，放了一堆伴菜，薯仔、翠玉瓜用糖同燒汁焗過，令全碟菜加分。🍴經典牛扒薯條份量就唔算好多，不過小食多滋味。西冷牛扒焦香，肉質唔係嫩口，油脂唔重的，但屬牛味濃的牛扒。5成熟食落岩岩好，過熟應該會韌。on top 係Bearnaise Sauce醬，不過不失，唔太驚喜
一行七人，預先openrice book 位，被餐廳安排樓上雅座，裝潢都落過心思，以綠色做主調，配上金光閃閃的裝飾，帶出一種復古感覺，打卡一流。
Frites主打比利時菜，當然要試佢最出名的青口、豬手和啤酒!!
🍴招牌忌廉青口
有6隻味可以揀，想先試House Mussels，原煲上，溫度control得好好，醬汁由蒜、洋蔥、忌廉煮成，奶白色勁Creamy，另外加了少少蕃茄，多層次少少，又令到忌廉汁唔會太膩。
鍾意食白汁忌廉的話，蘸包食一流。平時唔太鍾意食青口，不過餐廳煮得好味，好juicy又滑口，青口再入味少少的話，真係正到不得了。
🍴鹹豬手
鹹度剛剛好，味道很好。外皮燒得勁脆口，唔油好香。但係肉質juicy，唔會太過硬，一讚。豬手底，放了一堆伴菜，薯仔、翠玉瓜用糖同燒汁焗過，令全碟菜加分。
🍴經典牛扒薯條
份量就唔算好多，不過小食多滋味。西冷牛扒焦香，肉質唔係嫩口，油脂唔重的，但屬牛味濃的牛扒。5成熟食落岩岩好，過熟應該會韌。on top 係Bearnaise Sauce醬，不過不失，唔太驚喜。
蕃薯條，反而值得一試。
🍴原條豬肋骨
味道比較重，但每塊肉不多，加上過於乾身，再加埋太多汁醬，個人不太鍾意。
🍴小食頭盤
Cold Cut正正常常，但唔太出色。Crab Tian相對出色，蟹肉一絲絲，外皮脆口。但價錢偏貴。
美食點可以無酒，是夜配啤酒，絕配！
張貼
