影片
更多
2023-10-28
189 瀏覽
呢間Cafe絕對係大圍嘅人龍店之一，亦都係心目中嘅香港Cafe頭幾位，每次嚟大圍必食！佢樓高兩層，樓上係榻榻米座位，比較有空間咁坐得舒服，仲有少量室外座位，可以俾主人們帶埋毛孩🐶一齊嚟！呢到嘅餐點都幾多花款，以主食為主，有日式定食、茶漬飯同招牌吐司盒子，亦都有幾款甜品可以選擇，最近重新推出咗個蒙布朗窩夫🧇，一於嚟支持下！------------------------------🍞◖日式穴子海鮮沙律滑蛋盒子吐司◗ $108作為期間限定嘅款式，見到真係一定要試！吐司盒子上面有大大條嘅蒲燒穴子，裏面係中空，加入咗芝士、滑蛋同海鮮沙律，酸酸甜甜食到淡淡的牛油香氣🧈，仲有八爪魚爽脆嘅口感，呢個組合超好食！放咗兩小塊日式芝士年糕伴碟，煙煙韌韌，裏面係流心芝士，幾啱口味～🍱◖黑椒十勝牛肉定食◗ $78呢個定食係限量發售，見到有當然唔執輸！牛肉嘅份量幾多，肉嘅質量唔錯肥瘦均勻，醬汁偏甜，啲蛋漿撈埋牛肉，口感更加軟滑，送飯一流！仲配有少少泡菜、蛋絲呢啲小菜，白飯上面亦都有飯素，好香海苔味，成個配搭都正！🌰◖栗子蒙布朗窩夫◗ $88呢個係佢哋新推出嘅秋季限定甜品，有栗子同抹茶味可以選擇！外層嘅栗子
------------------------------
🍞◖日式穴子海鮮沙律滑蛋盒子吐司◗ $108
作為期間限定嘅款式，見到真係一定要試！吐司盒子上面有大大條嘅蒲燒穴子，裏面係中空，加入咗芝士、滑蛋同海鮮沙律，酸酸甜甜食到淡淡的牛油香氣🧈，仲有八爪魚爽脆嘅口感，呢個組合超好食！放咗兩小塊日式芝士年糕伴碟，煙煙韌韌，裏面係流心芝士，幾啱口味～
🍱◖黑椒十勝牛肉定食◗ $78
呢個定食係限量發售，見到有當然唔執輸！牛肉嘅份量幾多，肉嘅質量唔錯肥瘦均勻，醬汁偏甜，啲蛋漿撈埋牛肉，口感更加軟滑，送飯一流！仲配有少少泡菜、蛋絲呢啲小菜，白飯上面亦都有飯素，好香海苔味，成個配搭都正！
🌰◖栗子蒙布朗窩夫◗ $88
呢個係佢哋新推出嘅秋季限定甜品，有栗子同抹茶味可以選擇！外層嘅栗子蓉打得好綿，裏面夾咗個雪米糍，煙煙韌韌感，底層係窩夫，食落口感有層次，帶有雲呢拿同奶香，夾雜着啲栗子肉，好香甜！不過甜品一上枱就要盡快食，如果唔係裏面嘅窩夫好容易變腍～
🍵◖抹茶栗子蒙布朗窩夫◗ $96
身為抹茶控一定要試埋呢一個！面層係抹茶味嘅栗子蓉，口感細滑好似食緊雪糕咁，食到抹茶嘅回甘！裏面有一粒麻糬同埋抹茶忌廉，厚厚咁鋪喺窩夫上面，整體又唔會好甜，唯獨是略嫌茶味未夠，濃茶控表示可以在濃啲！
☕️◖竹炭黑芝麻咖啡◗ $45
叫咗脫脂奶，口感順滑，飲到濃濃嘅芝麻香，甜度相對上比較淡～
🍳◖招牌奶蓋咖啡◗ $45
招牌奶蓋咖啡造型一流，上面有一粒店舖嘅特色迷你雞蛋，超可愛！加入咗少量酒精，更加帶得出咖啡嘅濃郁香氣，奶蓋微鹹，口感軟滑，味道有層次！
🌟Encore指數：9.4/10
張貼
