am.pm (譽發廣場)

營業中

休息中

呢間係油麻地同旺角巷仔嘅鋪頭成日都排長龍。仲成日見到佢做大割引。之前試咗佢嘅牛角窝夫。好食嘅，但未够脆，可能太多人。今日再試下佢嘅招牌炎燒布丁疏乎厘加日本3.6牛乳雪糕🍦。都等咗大約20分鐘左右。佢係open kitchen可以見到佢嘅製作過程。疏乎厘拿到手，陣陣蛋香加少少焦糖味。試一啖，有啲梳乎厘比較紮實但佢呢隻係空氣感比較重嘅，如果仲鐘意呢個口感嘅就好啱食啦。我都係偏好空氣感嘅，所以佢好得我心呀🥰🥰加埋面頭嘅焦糖又唔會太甜搶咗佢嘅蛋香味。唔錯呀👍🏻而雪糕都好够滑同有牛奶味，一熱一涷咁食好過癮呀🤤佢嘅份量都多，有兩塊疏乎厘，都好够食。