GARIGUETTE (已結業)

呢間日本人氣拿破崙店位於銅鑼灣，由傳統方形形狀改為圓形鏤空樣，可以望到夾層嘅餡料，視覺效果十足。餅皮薄身且脆，帶牛油香氣，加上以糖同杏仁燒令到整體味道更加香甜。另外值得一提嘅係估唔到外賣攞走放咗陣都唔會變質，但真係要小心，因為好容易碎。平日晚上經過都有唔少人堂食，證明喺香港都頗有名氣。拿破崙口味眾多，而且size都有好多款，Mini Small可一啖入口，大少少就Small，正常份量更加滋味。私心推介招牌原味士多啤梨，特製吉士忌廉搭配新鮮士多啤梨，甜甜哋，大人小朋友都鍾意。另有抹茶士多啤梨，抹茶味出但未至於好濃。近期好Hit嘅唔少得開心果忌廉覆盆子，濃厚開心果忌應配上酸甜覆盆子，值得一試呀。