影片
更多
2023-08-25
52 瀏覽
成日經過油塘鯉魚門商場都見到有間川辣小店好多人幫襯外賣，同時都有堂食位置，今日就一於黎呢度食個dinner🙆🏻♀️menu有好多選擇，花多眼亂😍🔸傳統風味手工涼皮涼皮爽口彈牙，大大片口感好好，涼皮掛汁，配料有青瓜絲、花生粒、脆脆豆同榨菜，好多唔同既口感，加埋辣辣地，好開胃😋呢度仲有得揀bb辣，怕辣既人都接受到🤓🔸麻辣雞絲手工涼皮雞肉好嫩滑，好香雞油香，非常正，涼皮吸收咗雞油嘅香味，香口又惹味，加埋花生粒、脆脆豆同榨菜口感豐富，好味😍🔸啖啖肉豬扒油蔥酥熱撈麵麵條煙韌彈牙，食落蔥油味好香，叫左小辣，辣味有後勁，好過癮🥰撈麵都有埋脆豆同花生，令到成個口感好豐富，好正🤓豬扒份量都唔少，真係啖啖肉，食落有椒鹽味，香口好味😋🔸一口鮮蝦豚肉雲吞餡料配搭同比例都幾好，一啖一粒好滿足，湯底既款式都幾多，仲可以追加配菜同麵，叫左蝦米紫菜湯淨雲吞，清清地既選擇都唔錯😊🔸熊貓紅糖冰粉冰粉本身微微帶甜，配上一包山渣片、青提乾同花生碎既配料，另外有埋紅糖漿😋冰粉滑溜而配料有咬口，香甜清新，解辣一流😋🍑香桃茶桃味幾突出，而且茶味香濃，有鮮泡茶既感覺，亦唔會太甜，好balance，唔錯👍🍐雪梨茶一入口雪梨味好香好突出
🔸傳統風味手工涼皮
涼皮爽口彈牙，大大片口感好好，涼皮掛汁，配料有青瓜絲、花生粒、脆脆豆同榨菜，好多唔同既口感，加埋辣辣地，好開胃😋呢度仲有得揀bb辣，怕辣既人都接受到🤓
🔸麻辣雞絲手工涼皮
雞肉好嫩滑，好香雞油香，非常正，涼皮吸收咗雞油嘅香味，香口又惹味，加埋花生粒、脆脆豆同榨菜口感豐富，好味😍
🔸啖啖肉豬扒油蔥酥熱撈麵
麵條煙韌彈牙，食落蔥油味好香，叫左小辣，辣味有後勁，好過癮🥰撈麵都有埋脆豆同花生，令到成個口感好豐富，好正🤓豬扒份量都唔少，真係啖啖肉，食落有椒鹽味，香口好味😋
🔸一口鮮蝦豚肉雲吞
餡料配搭同比例都幾好，一啖一粒好滿足，湯底既款式都幾多，仲可以追加配菜同麵，叫左蝦米紫菜湯淨雲吞，清清地既選擇都唔錯😊
🔸熊貓紅糖冰粉
冰粉本身微微帶甜，配上一包山渣片、青提乾同花生碎既配料，另外有埋紅糖漿😋冰粉滑溜而配料有咬口，香甜清新，解辣一流😋
🍑香桃茶
桃味幾突出，而且茶味香濃，有鮮泡茶既感覺，亦唔會太甜，好balance，唔錯👍
🍐雪梨茶
一入口雪梨味好香好突出，然後後韻有茉莉花茶既香味，好融合，好飲😋
呢度既辣麵真係唔錯，最後仲買埋麻辣醬番去試下😝除左麻辣醬仲有辣椒油、黃金脆脆豆等，想homemade既都可以買黎自己整😝下次再黎試下唔同款既麵先🍜😋
張貼
