影片
更多
2017-11-23
1080 瀏覽
早聞呢間台灣菜好受歡迎，一直未有機會去試，今日有個特如其來嘅假期，同朋友去到長洲行下，回程就番朋友屋企，去到深水埗，有機會一試呢間甜圓坊。未知係咪平日嘅關係，客人冇想像中多，大概半滿，冇出現話大排長龍嘅情況。又或者係熱潮已過，冇初初開嘅時候咁多人啦，當然水準都有相對穩定落黎吧，至少當晚我食嘅幾樣野，味道都唔錯，亦都冇大家之前所言，話乜都冇貨。而且呢度原來價錢唔貴，三、四十蚊食到飯，糖水都係廿零蚊。餐廳大約有廿零個位，裝修簡約，光線充足，影啲相幾靚。位置間嘅空間唔多，實在如果人多起上來，可能會貼住後面果位嘅背，好在今日唔多人。另外佢地有部分高凳，如果一個人食飯，都唔怕尷尬或者要搭枱。手工滷肉飯 30：滷肉飯都幾大碗啊，滷肉係鋪滿哂成碗飯。滷肉汁又唔會太多，所以飯食落唔會濕笠笠。配有青瓜同滷蛋，滷蛋幾入味架香酥排骨飯 45：排骨飯一樣都好多，男士都夠飽。豬排都幾大塊，不過有少少乾，好在都唔鞋口而目幾特別，下面一樣墊有少少肉燥，可以略略試到滷肉飯嘅味道。鹽酥味唔係好夠，個人認為滷肉飯好食啲，同埋會抵食啲。珍珠奶茶 20：茶味幾香，相當大杯，珍珠夠煙韌，會食到少少黑糖味道仙草西米撞奶 20：仙
餐廳大約有廿零個位，裝修簡約，光線充足，影啲相幾靚。位置間嘅空間唔多，實在如果人多起上來，可能會貼住後面果位嘅背，好在今日唔多人。另外佢地有部分高凳，如果一個人食飯，都唔怕尷尬或者要搭枱。
手工滷肉飯 30：
滷肉飯都幾大碗啊，滷肉係鋪滿哂成碗飯。滷肉汁又唔會太多，所以飯食落唔會濕笠笠。
配有青瓜同滷蛋，滷蛋幾入味架
香酥排骨飯 45：
排骨飯一樣都好多，男士都夠飽。豬排都幾大塊，不過有少少乾，好在都唔鞋口
而目幾特別，下面一樣墊有少少肉燥，可以略略試到滷肉飯嘅味道。
鹽酥味唔係好夠，個人認為滷肉飯好食啲，同埋會抵食啲。
珍珠奶茶 20：
茶味幾香，相當大杯，珍珠夠煙韌，會食到少少黑糖味道
仙草西米撞奶 20：
仙草味道唔濃，但好滑溜，而且都幾多，啖啖都食到。
西米幾腍身，唔洗怕難消化。不過留意，呢杯我認為有點過甜，怕甜者未必會喜歡，唔知佢地冇冇得點少甜
招牌綜合剉冰 30：
刨冰嘅份量好多，有紅豆、地瓜圓、芋圓、湯丸、珍珠、紅腰豆、薏米、西米等等。配料多到鋪滿整個刨冰，三十蚊都幾抵食，味道尚有改善空間。刨冰面頭淋左少少煉奶，份量唔多，甜度唔高，因為見啲奶唔多，本來怕啲冰會淡，不過後來見到冰之間有黑糖漿，所以食落都唔會淡。
芋圓都算幾煙un，芋味同地瓜味都幾明顯。湯丸都幾多，食落幾香糯米味；薏米煮得夠腍，口感豐富珍珠有少少甜味，唔會好重手，而且都幾煙un
張貼
