六両三 (鉅利大廈) (已結業)

六兩三我之前食過尖沙嘴分店，見佢天后開左，夜晚剛好係附近，就黎食個quick dinner叫左牛肉麵，麻辣湯，牛肉賣相好好，肉同筋夾住，煮得好淋，嫩滑，麵條有彈性，高質。加配滷水甜不辣，我嘅favorite😂😂😂夠曬咬口小黑糖珍珠奶茶唔會太甜，珍珠Q彈好食。炸黃金地瓜條同炸澎湖花枝丸都好香脆，唔會太油膩。番茄紅燒炸花枝蝦扒麵份量勁大，d炸花枝蝦扒好彈牙。麵條略嫌同d番茄湯唔夾，唔係好掛湯，雖然個麵自己好食。甜品叫左桂密躺雪山（閨蜜躺雪山？😂）。個名好特別，其實係桂花蜜仙草紅豆芋圓配vanilla雪糕。都幾大份，2個人share都夠，芋圓都有好多粒，足料。總括而言，天后六兩三嘅食物豐富，值得一試。