理想餅店

營業中

休息中

新蒲崗越來越多唔同嘅人氣小店，今日專程同朋友去試新蒲崗嘅人氣冬甩。我哋三人叫咗$110有六個嘅冬甩。叫咗兩個吉士味、一個蘋果肉桂同三個金莎朱古力🍩，全部都係即叫即炸。個人認為金莎朱古力係最好味，滿滿嘅朱古力醬，而且有花生碎粒，再配炸外脆內軟嘅麵包，係最完美嘅配搭至於吉士味，吉士醬唔算太Soft，對比起金莎朱古力就冇太大嘅特別，而且食多兩啖會有啲膩。蘋果玉桂配合冬甩嚟講雖然有啲特別，但個人認為玉桂味唔夠，食起上嚟比起以上兩隻味係稍為遜色，所以可以唔使叫呢個味！