元気寿司 (港晶中心)

營業中

休息中

星期六晚到處都人山人海，去元氣攞飛等位，貪其差唔多到會有sms提示，行遠少少都唔驚。行住街等又覺耐，但其實都等左半個鐘。海膽軍艦，半滆嘅海膽，睇得出亦食得出唔新鮮。海鹽赤海蝦，蝦新鮮，加埋鹽同檸檬汁食，好清新。蟹柳沙律船，好甜，蟹柳下面放左少少蛋絲，賣相幾靚。蒲燒鰻魚，鰻魚肥美。丸壽司三點，好得意，波形嘅壽司，但味道其實無變嘅。蛋，依然夠熱又夠滑。飛魚籽軍艦，無點豉油都好鹹，麻麻。火灸三文魚，肥美好食。湯烏冬，夠熱，烏冬彈牙，但味精湯底扣分。全店得四個伙計，人手不足，又漏單，賣哂又唔出聲。