心怡甜品

營業中

休息中

心怡位於食肆林立的吳松街，家庭式經營小店，充滿濃濃的人情味，老闆娘好nice ，好有耐性咁解答食客既問題，甜品選擇都幾多，大家喺佐敦想食糖水或飯後甜品不仿一試。心太軟-香濃既朱古力外層，送上台時好夠熱，一刀切落去時，睇住慢慢流心既朱古力漿，好治癒。熱騰騰既口感，配上冰凍雪糕球，實在令人非常滿足🤤榴蓮王子-呢個係心怡既榴蓮系列甜品，甜品入面有真榴蓮蓉，濃味撲鼻，食落去有果肉既纖維口感，鐘意榴蓮既你可以一試，而低下係西米露，唔甜之餘，好解喝，另外配一球雲尼拿雪糕同芒果肉，味道層次多元化。朱古力綿綿冰，刨冰既份量好大，賣相層次分明既冰，朱古力味濃，味道唔甜，口感其實同食雪糕好似，岩哂而家大熱天時食。