月橋正宗越南湯粉

營業中

休息中

小店由越南人主理, 鋪仔細細喺lunch time時間都幾熱鬧今日一個人嚟食就叫左個招牌火車頭湯河, 用手機app落單好方便。如果細食女仔可以揀返少湯粉, 因為個日食完成碗真係飽到放工! 佢嘅湯底清香唔油膩，食完唔會有口渴感覺，河粉軟硬度剛好，特別好食嘅係牛展，質感爽滑，牛味濃牛腩唔韌唔會痴牙，牛丸都好爽口，$60嚟講真係好抵食，非常足料。食完之後點左杯越南咖啡$25，咖啡味好濃加埋煉乳, 口感好順滑唔會太苦太甜。