一點心 (通菜街)

營業中

休息中

我們每星期都會經過一點心。平時多是食外賣，不過今次我媽咁岩在，我帶埋兩個女，一個3歲，一個歲半，一共4個人。我們很比心機，等了1粒中，終於有位了。交張點心紙比樓面個呀叔。佢即刻話，4個人，每個人要叫雙份野食。我答佢，我其中1個係BB, 另1個是小朋友，我食唔哂8份野食的，咁我要3個位算了（咁可只叫6份野食）。之後個呀叔，EE哦哦，又話：其實你地咁，我好難做呀。一陣又投訴逼呀，我地都要交數嫁，唔通有個人入來，食一盅飯就走，咁我地仲得既！？我話：知了知了，我4人坐3個位得了。個呀叔仲碟碟不休....我心諗，第一，我即使是要多個位，我比足個茶位。第二，1個位要叫兩份野食。我都話知啦，我4個人，我由原本坐4個位，改為坐3個位，你仲想我點呀？個呀叔EE哦哦好耐，其實佢想我地呢D有小朋友既，不要來。最後，入得既時候，我推住部BB 車。個呀叔好大聲嘆了口氣, 哎～～～我就同佢講，我會收BB車嫁，佢先ok。我真是想唉呀，帶小朋友唔通有罪咩？食物呢，點蝦餃冇蝦餃。蝦春卷是肥豬肉，難食死人了。人依然很多，但冇人情味既店，不來也罷。