影片
更多
2019-08-08
1918 瀏覽
🇯🇵京都91年歷史過江龍 招牌西京燒懷石料理被譽為「日本京都第一西京燒」嘅京都一の傳主打輕懷石料理 晚餐有3款選擇🍣🍤🍚我地揀咗 柳$388 / 臙$888 2個套餐一樣都係有6道茶同一個甜品 內容上有唔同呢一餐真係樣樣精緻 每樣菜都賞心悅目😍又靚又好食服務又超班 續樣同你解釋係點食想試吓懷石料理同西京燒 十級推介👍🏻✨第1道 - 八寸 前菜柳同臙餐一樣 有6樣1.鮭魚籽冷茶碗蒸 - 超滑入口即化 凍食更鮮味2.粟米豆腐 - 微微粟米味比豆腐厚實3.抹茶味噌冷冬瓜高湯煮 配薑食4.青瓜醋唐揚雞 - 有青瓜醋酸味中和炸雞油膩感 好清新🤤呢個好喜歡5.無花果天婦羅 - 係從未食過嘅組合 炸咗嘅無花果口感好似茄子 好淋好香👍🏻6.呑拿魚醬油漬壽司🍣 ✨第2道向附 - 臙餐: 五種類刺身盛合🐟分別有 魷魚🦑/立魚/牡丹蝦🦐/深海池魚/吞拿魚 臙餐貴在有刺身 新鮮之餘 牡丹蝦個蝦頭仲會拎去炸埋比你食😍✨第2道先附 - 柳餐: 鰻魚青瓜醋物鰻魚唔係hea你比尾位 係無骨夠肥美嘅腩位連埋醃咗嘅青瓜食 好開胃🤤✨第3道揚物 - 柳餐: 天婦羅盛合🍤(南瓜🎃/炸蝦🍤/茄子🍆/番薯🍠)所有食物都炸得非常香
🇯🇵京都91年歷史過江龍 招牌西京燒懷石料理
被譽為「日本京都第一西京燒」嘅京都一の傳
主打輕懷石料理 晚餐有3款選擇🍣🍤🍚
我地揀咗 柳$388 / 臙$888 2個套餐
一樣都係有6道茶同一個甜品 內容上有唔同
呢一餐真係樣樣精緻 每樣菜都賞心悅目😍
又靚又好食服務又超班 續樣同你解釋係點食
想試吓懷石料理同西京燒 十級推介👍🏻
✨第1道 - 八寸 前菜柳同臙餐一樣 有6樣
1.鮭魚籽冷茶碗蒸 - 超滑入口即化 凍食更鮮味
2.粟米豆腐 - 微微粟米味比豆腐厚實
3.抹茶味噌冷冬瓜高湯煮 配薑食
4.青瓜醋唐揚雞 - 有青瓜醋酸味中和炸雞油膩感 好清新🤤呢個好喜歡
5.無花果天婦羅 - 係從未食過嘅組合 炸咗嘅無花果口感好似茄子 好淋好香👍🏻
6.呑拿魚醬油漬壽司🍣
✨第2道向附 - 臙餐: 五種類刺身盛合🐟
分別有 魷魚🦑/立魚/牡丹蝦🦐/深海池魚/吞拿魚 臙餐貴在有刺身 新鮮之餘 牡丹蝦個蝦頭仲會拎去炸埋比你食😍
✨第2道先附 - 柳餐: 鰻魚青瓜醋物
鰻魚唔係hea你比尾位 係無骨夠肥美嘅腩位
連埋醃咗嘅青瓜食 好開胃🤤
✨第3道揚物 - 柳餐: 天婦羅盛合🍤
(南瓜🎃/炸蝦🍤/茄子🍆/番薯🍠)
所有食物都炸得非常香脆 完全無油膩感💯
粉嘅厚薄剛剛好 一咬落去咔之一聲👍🏻
南瓜🎃同番薯🍠好甜
🍆茄子切咗好多刀再拎去炸 炸得更均勻
🍤炸蝦剛剛熟 蝦肉非常嫩 男朋友話好甜
✨第3道 - 臙餐: 炙燒和牛海膽壽司🍣🥩🔥
一塊手掌大🖐🏻嘅和牛 有師傅即場為你火炙
再配上一堆鮮甜海膽 和牛嘅油花溶落壽司飯到一齊食🤤真係超享受❤️
✨第4道蓋物 - 蓮藕羊羹 柳同臙餐一樣
有蝦四季豆同羊羹 羊羹好有蒟蒻口感再加上蓮藕爽口粒粒 平常食日本菜比較少機會食到
✨第5道燒物 - 柳餐: 蔵味噌漬 豚肉🍖
主菜有3款可以選擇 我地揀咗豚肉
用葉包住風味十足 燒過嘅豬肉油脂四溢😋
好香味噌味 🍚配油潤嘅日本米食👍🏻🤤
✨第5道燒物 - 臙餐: 蔵味噌漬 三種類盛合
有西京燒銀鱈魚三文魚同魷魚 超豐富😍
三文魚口感比較紥實 魷魚都係 但都好濃味
最正係銀鱈魚🐟 魚油爆岀嚟 超級香味噌味
下次要淨叫銀鱈魚🤤🤤🤤
✨第6道係御飯同赤味噌湯 會同燒物一齊上
✨甘味 - 臙餐 小菓子盛合 京都抹茶🍵
分別有幾款甜點同一杯濃濃原味抹茶🍵
荔枝味羊羹/蕨餅/紅豆銅鑼燒 係傳統日本甜點
最喜歡係蛋糕仔 分別係抹茶味焙茶味
超濃超紥實 口感有啲似brownie 太細件唔夠喉
芒果熱情果酒糟奶凍 好滑溶化係口又有酒香
✨甘味 - 柳餐 蕨餅 京都抹茶🍵
柳餐配嘅蕨餅 可以自己落黑糖漿🥰
配埋原味抹茶 少少苦澀味平衡番
完美ending✨✨✨
-
📍京都一の傳 (尖沙咀)
尖沙咀海港城海洋中心4樓402號舖
張貼
