更多
2025-07-17
0 瀏覽
Vesu pizza bar價錢: $98/ $148/ $148/ $98好味程度: 4/5服務🍴: 3.7/5環境🗾: 4.5/5性價比🥢: 4.3/5回頭率😚: 4/5-Vesu pizza bar獲得top asia pizza第44位,又位於北京道嘅樓上,望住開揚嘅維港夜景,淨係呢個景都值返晒啦!叫得Pizza bar,佢哋真係做Pizza為主,另外仲有啲甜pizza同埋頭盤。但係佢哋嘅Pizza除咗有一般嘅味道之外,仲有啲佢哋自己研發嘅fusion口味。另外仲有一款麵包叫ruotino,都係出面比較少有。-✅Aubergine Parmigiana.一層層油炸過嘅茄子,中間夾住茄醬同埋芝士,足料又邪惡🤓芝士比得夠多拉到絲,鹹香得來帶啲酸maymay,焗到熱辣辣,好食!-✅✅Mala chicken.佢哋嘅Pizza係用正宗拿玻里烤爐去焗,做到外脆內煙靭,雖然係薄批,但係都幾有口感😚同埋佢條邊燶嘅程度好適中,唔會有太過黑嘅情況。佢都算係越嚼越有麵粉香嘅pizza,不過都係中間偏濕潤!誤打誤撞叫嘅呢個味道幾好食,因為個批上面有薯蓉😍仲有川椒、洋蔥、青椒、羅勒,辣度喺西餐嚟講都幾
價錢: $98/ $148/ $148/ $98
好味程度: 4/5
服務🍴: 3.7/5
環境🗾: 4.5/5
性價比🥢: 4.3/5
回頭率😚: 4/5
-
Vesu pizza bar獲得top asia pizza第44位,又位於北京道嘅樓上,望住開揚嘅維港夜景,淨係呢個景都值返晒啦!叫得Pizza bar,佢哋真係做Pizza為主,另外仲有啲甜pizza同埋頭盤。但係佢哋嘅Pizza除咗有一般嘅味道之外,仲有啲佢哋自己研發嘅fusion口味。另外仲有一款麵包叫ruotino,都係出面比較少有。
-
✅Aubergine Parmigiana.一層層油炸過嘅茄子,中間夾住茄醬同埋芝士,足料又邪惡🤓芝士比得夠多拉到絲,鹹香得來帶啲酸maymay,焗到熱辣辣,好食!
-
✅✅Mala chicken.佢哋嘅Pizza係用正宗拿玻里烤爐去焗,做到外脆內煙靭,雖然係薄批,但係都幾有口感😚同埋佢條邊燶嘅程度好適中,唔會有太過黑嘅情況。佢都算係越嚼越有麵粉香嘅pizza,不過都係中間偏濕潤!誤打誤撞叫嘅呢個味道幾好食,因為個批上面有薯蓉😍仲有川椒、洋蔥、青椒、羅勒,辣度喺西餐嚟講都幾強烈,好惹味,薯蓉綿密,係會忍唔住一啖又一啖😎同埋雞肉都幾多連埋mozzarella cheese,係一個又辣,又有奶香,味道又豐富嘅Pizza。
-
🆗Mortazza.呢個係一個佛卡夏意大利麵包,將佢焗熱咗外層好脆,入面偏硬同有咬口,類似sourdought都咁不過再紮實啲。個人就覺得佢有啲乾,甚至加埋burrata cheese都彌補唔到佢係一個粗鞋又硬淨嘅麵包。所以整體味道都會淡啲主要係食個麵包體🤨上面有正常一片片嘅意式香腸同埋開心果粒。
-
✅Pizzamisu.呢個Tiramisu嘅變奏版幾得意😝個人就覺得冇一般Tiramisu咁膩,因為底下多咗個批底成托住啲mascarpone cheese、呵呵粉同埋Espresso,甜度都會冇咁高😌但係佢就唔係特別夾。朱古力味最突出,一切開啲mascarpone cheese流晒落嚟,好澎湃!
-
整體都算係冇失望嘅,如果想食pizza真係可以嚟試吓,價錢非常親民!就算唔係特別好食,味道都一定唔差🤩Ruotino可以skip咗唔叫,除非你本身好鍾意食啲好raw嘅麵包,正常pizza嘅批底都好食!
-
#piggyfoodiein尖沙咀
張貼