影片
更多
2023-02-27
89 瀏覽
一入門口，已經對店入面嘅「西日式」裝潢唔太適應，預示咗我同呢間嘢八字不合。根據官網，五行嘅意念如下：//以全新面貌登場的GOGYO五行揉合傳統日式居酒屋及現代西式酒吧元素，抱著「以酒品及佐酒小食開始，以拉麵作結」的宗旨，為上班族、三五知己、閨蜜們提供既可小聚酌飲，同時又可品嚐美食的寫意空間。先於前方酒吧位置小酌一番，再到後方的居酒屋品嚐精緻的日式佐酒小食及料理，在美酒佳餚不斷的夜晚，身處輕鬆型格的環境肆意享受令人神往的微醺之夜！//算，設計呢家野我真係唔識。食物最緊要。一睇Menu，傻眼貓咪！第一次見拉麵店嘅set跟雞翼、吞拿魚卷，再加熱飲例如茶啡。等待嘅期間，熱齋啡先上（揀無可揀，全部都唔夾嘅😂），然後聽住店員坐喺無人嘅吧台度嬉笑……算，咁個麵好食就得啦。我叫咗五行焦香醬油沾麵（$138，加一）。我係重口味之王aka. 周月fans，本身好食得重口味，但係呢隻沾麵我真係唔識欣賞。個湯鹹得嚟有啲難食，味道無層次。麵好普通，唔香。叉燒無味。筍係正常筍、菜係正常菜……啲麵凍得好快，同我嘅心一樣咁涼。總之就係普通地難食，又貴。最後請店員比杯水飲，係室溫水。再睇多次官網，心情真係好複雜：//G
五行嘅意念如下：
//以全新面貌登場的GOGYO五行揉合傳統日式居酒屋及現代西式酒吧元素，抱著「以酒品及佐酒小食開始，以拉麵作結」的宗旨，為上班族、三五知己、閨蜜們提供既可小聚酌飲，同時又可品嚐美食的寫意空間。先於前方酒吧位置小酌一番，再到後方的居酒屋品嚐精緻的日式佐酒小食及料理，在美酒佳餚不斷的夜晚，身處輕鬆型格的環境肆意享受令人神往的微醺之夜！//
算，設計呢家野我真係唔識。食物最緊要。一睇Menu，傻眼貓咪！第一次見拉麵店嘅set跟雞翼、吞拿魚卷，再加熱飲例如茶啡。等待嘅期間，熱齋啡先上（揀無可揀，全部都唔夾嘅😂），然後聽住店員坐喺無人嘅吧台度嬉笑……
算，咁個麵好食就得啦。我叫咗五行焦香醬油沾麵（$138，加一）。我係重口味之王aka. 周月fans，本身好食得重口味，但係呢隻沾麵我真係唔識欣賞。個湯鹹得嚟有啲難食，味道無層次。麵好普通，唔香。叉燒無味。筍係正常筍、菜係正常菜……啲麵凍得好快，同我嘅心一樣咁涼。總之就係普通地難食，又貴。最後請店員比杯水飲，係室溫水。
再睇多次官網，心情真係好複雜：
//GOGYO五行新店選址中環歷山大廈，嚴選季節時令食材炮製五款神級拉麵，當中包括以五行元素為發想的鎮店招牌「五行焦香味噌拉麵」，蓄勢待發再度捲起拉麵界風潮！//
我估唔到1月新開嘅拉麵店都可以整出呢個水準，仲自稱神級拉麵🤡食落超級無heart。五行豈是缺愛？
張貼
