京滬坊

營業中

休息中

響紅磡果頭返工，冇乜幾可會響紅磡食飯，今日收工夜左，就去紅磡果頭食個晚飯，行左幾間都冇咩心水，直至見到呢間京滬坊因爲本身都幾鍾意食上海野，就把心一橫入去試下，入到去幾乎坐爆哂人，果啲樓面服務幾好，有禮貌，原本想試下呢間鋪仔既招牌擔擔麵同小籠包，皆因聽到有幾個客人都異口同聲地對呢兩道招牌菜讚不絕口但今晚比較想食飯，所以叫左個口水雞菜飯，雖然餐廳不大，但試上菜速度亦十分快先試下碟口水雞，肉質十分軟熟辣椒好香，但都幾辣，碗飯裡面啲菜亦都好足料，十分香口，老闆亦都好好人，可以添飯，呢間菜館係絕對令我會返轉頭食既意念，下次再黎必定會試下招牌小籠包同擔擔麵整體而言，10分入面比9分，環境簡潔，乾淨衛生，食物美味可口