私房御約

營業中

休息中

渡船街燒烤火煱小菜乜都有！肥佬話星期六唔好咁辛苦出去食下飯拍下拖！佢平時都唔識搵食，就睇下佢今之搞咩先！圓方睇完戲就直衝去美食天堂-渡船街啦！肥佬拉左我入一間有蒸煱setting既餐廳。入到去由個茶開始我就知道今晚一定有水準！雖然要收茶錢，但真係好好飲！菊花圓肉杞子！等食物既途中送上小食，老闆話自家制！海鮮加左小小辣仲有脆口既牙菜！醒胃！肥佬就好欣賞個花生。E個畫面另我更加期待最後個粥！南瓜粟米瘦肉肥佬叫左個龍躉海鮮餐！一開蓋d鮮味湧出黎！師傅控制時間控制得好好！蜆剛剛熟唔老（因為當晚無花甲）蝦就非常彈呀！仲好多汁帶子裙邊原來咁好食！好甜好鮮！因為帶子肉太厚要熟晒又會令裙邊老！所以分開蒸！超有驚喜！到帶子.....師傅專登唔整全熟！好甜！又唔un ！到主角龍躉啦！平時食魚死都唔會食皮！但龍躉皮有好重膠質又唔腥！不過要落返少少豉油吊味！已經80%飽！但估唔到仲有驚喜！自家制鮮蝦豬肉餃媽媽的味道！大粒粒蝦！肥肉夠，令到隻餃好香口！皮薄！登登登登！精華所在！甜同鮮味十足！比滿分！如果多d人可以叫另叫海鮮！個粥應該再正！老闆話每日都唔同海鮮供應！當有仲有毛蟹！下次ladies 聚會等我sugg