更多
2017-06-05
1306 瀏覽
其實平日去西營盤真係好chill!明明返緊工得一個鍾頭lunch hour, 喺呢頭食個晏都好似嘆過人!如果遇正好太陽,直頭會令你唔記得自己今日喺返緊工!天氣好到呢~今日約咗🐷先生同我喺公司附近食嗰lunch。終於約到佢出嚟,雖然佢又遲到,不過以夜晚先出動嘅佢已經好好喇!😂🤣行行吓搵咗呢間Flying Pig 去試試,其實成條街嘅嘢食都差不多,因為都係under Castelo 集團,只不過咁啱喺我等緊🐷先生嘅時候呢間嘅老細喺門口,大家又傾咗幾句,所以就入去坐低等。🐷先生嚟到後, 我哋嗌咗個肉眼牛扒同法國嫩雞午餐,一個配沙律、一個陪配周打魚湯。味道好,擺盤又靚!食都食得開心啲呀! 😊👍🏻主菜好豐富!牛扒好好味,煮得啱啱好,好嫩滑,好juicy,一啲都唔'鞋'!反而個嫩雞就唔係好嫩,但係好在有個燒烤汁撘救!所以都係好味嘅!😋😋最後老細仲送咗兩件蛋糕俾我哋做甜品,不過我哋唔多鍾意食甜嘢,所以食咗兩啖就已經好食。連相都唔記得影添!不過都好多謝老細嘅一番心意!😊😊成餐飯食得好開心,食完仲可以行下,曬下太陽!西營盤簡直係情侶嚟偷閒嘅好地方!好開心,好chill.... 不過之後要九秒九跑返公司!
今日約咗🐷先生同我喺公司附近食嗰lunch。終於約到佢出嚟,雖然佢又遲到,不過以夜晚先出動嘅佢已經好好喇!😂🤣
行行吓搵咗呢間Flying Pig 去試試,其實成條街嘅嘢食都差不多,因為都係under Castelo 集團,只不過咁啱喺我等緊🐷先生嘅時候呢間嘅老細喺門口,大家又傾咗幾句,所以就入去坐低等。
🐷先生嚟到後, 我哋嗌咗個肉眼牛扒同法國嫩雞午餐,一個配沙律、一個陪配周打魚湯。
味道好,擺盤又靚!食都食得開心啲呀! 😊👍🏻
主菜好豐富!牛扒好好味,煮得啱啱好,好嫩滑,好juicy,一啲都唔'鞋'!反而個嫩雞就唔係好嫩,但係好在有個燒烤汁撘救!所以都係好味嘅!😋😋
最後老細仲送咗兩件蛋糕俾我哋做甜品,不過我哋唔多鍾意食甜嘢,所以食咗兩啖就已經好食。連相都唔記得影添!不過都好多謝老細嘅一番心意!😊😊
成餐飯食得好開心,食完仲可以行下,曬下太陽!西營盤簡直係情侶嚟偷閒嘅好地方!
好開心,好chill.... 不過之後要九秒九跑返公司! 😂😂
張貼