#24 Foodstation

以前公司黎喺呢間餐廳好近，上年佢新開嗰時，成日午餐晚餐都走來食，因為真係好抵食又好食。有一日諗起不如過嚟食個飯，就去到屈地街呢度重遊舊地食飯餐好嘅。
地方
係屈地街一條小巷，要搵一搵先睇到個餐廳，但其實一轉出去就係香港大學地鐵站。對面仲有精神書局，同其他餐廳。
食物

燒春雞

一定要叫嘅梗係燒春雞，有嘢飲又有湯薯條沙律加半隻燒春雞真係好飽啊。過咗成年水準都無變過，反而多咗好多人黎食，唔知係咪出咗名呢。

菠蘿蟹肉炒飯

另外個人喜愛就一定係菠蘿蟹肉炒飯，勁多蟹肉，啲飯又好好味，份量又夠。其他炒飯都唔錯有試過鰻魚炒飯。
服務
老板娘超好，勁有禮貌，又有笑容，真係好有人情味。有咩需要又即刻幫你做到踢晒腳都唔會發脾氣。