小野人 (MONTEREY Place)

營業中

休息中

最初路過小野人嗰陣，見到佢嘅裝修好似無印良品咁走日式風格， 以白色同埋木色為主調，仲以為係間cafe黎， 點知竟然係間台式燒烤舖。入到去座位有啲窄，但勝在乾淨企理。一坐底，店員就送左一杯仔桃膠比我哋，都幾好食。不得不提嘅係每張枱上面都有個小火爐，用黎keep住啲串燒嘅溫度，好貼心。烤韮菜鮮嫰冇渣。面包烤得香脆，配上煉奶同焦糖好好食。烤粟米搽咗啲沙律醬，粟米烤至乾身食落冇汁，麻麻地。雞脆骨啲軟骨真係好軟，唔會咬到牙痛。烤小牛肉五串肉嫩入味。Q彈小鮮肉真心推介， 食落酥脆有肉汁。香蔥豚肉卷蔥味幾出眾但係豬肉冇乜味。清酒煮蛤蜊有十零隻， 食落鮮鹹幾新鮮， 但就冇乜酒味，烤虎皮尖椒好大隻， 食落有少少辣。 烤魷魚每串得兩塊 ，份量有啲小， 同埋調味偏辣， 我自己就唔太鍾意。 麻吉燒年糕本身冇乜味但係飲咗啲煉奶同埋砂糖之後，食落就有砂糖脆脆嘅口感，甜甜地煙煙靭靭幾好食 。成餐最貴嘅係兩隻烤蟶子， 好新鮮配埋蒜蓉勁好食。 有機會會再嚟幫襯。