棋哥燒鵝餐室

營業中

休息中

今個星期超級忙，要趕兩份Proposal。好似今日咁，就做到不知時間過，霋一抬頭就是午飯時間了😲。朋友話灣仔實在人太多，反正我地自由身冇限制，倒不如坐叮叮到天后搵食😅。咁都得？原來真係得架🤭，嚟到電器道第一時間係同陳豪撞個正著，佢真人又幾高大靚仔喎😍。一街都係美食都唔知揀咩好，忽然見到呢間燒臘茶餐廳有人係門口排隊，羊群心理作祟即刻行埋去，又唔使等好耐咋喎。門口見到啲燒鵝好似好正咁，當然要點啦，仲加拼乳豬添🤭。睇下我碟乳豬拼燒鵝飯個樣幾靚？！😝乳豬皮好鬼脆肉好軟熟，燒鵝就多汁，肉質鮮美又唔肥，而且難得唔會太鹹👍👍👍，果然係燒鵝專店。到底我地係咪要考慮逢星期二都要嚟天后搵食呢？