牛精皇 (已結業)

小編覺得九龍城真係一個美食天堂，除咗食泰國菜之外，仲有唔少Cafe/居酒屋/火鍋店都好好味，福佬村道都有好多唔少餐廳、今次小編又試吓依家牛精皇火鍋店入到去，好有傳統家庭式嘅火鍋店感覺，而且仲有二人同四人套餐，雖然係套餐，但係食物質素都好高質，套餐當中包括：▪️牛肉拼盤（頂級手切牛肉，極品安格斯牛肉粒，牛白肉）▫️手打蝦丸，墨魚丸▪️青口，聖子▫️自家製鮮蝦雲吞，鳳城水餃，自家製嘅韭菜餃同魚皮餃▪️雜菜盆，再配手打稻庭烏冬另外仲叫咗即炸七味粉紫菜響鈴，本地手切肥牛（頸脊），打邊爐一定要叫啲清涼啲嘅嘢飲，今次我哋就叫咗一揸鹹檸七至於湯底我哋就加錢叫咗個胡椒豬肚湯，湯底充滿淡淡的胡椒味，未打邊爐之前都飲咗幾啖，小編極力推介牛肉拼盤裏面三款牛肉都好高質，牛白肉好爽跪，手切肥牛充滿油脂香，至於安格斯牛肉粒相當有驚喜，肉質好有彈性😝，另外我哋再叫咗一盤本地手切頸脊牛，充滿濃濃牛香味，而且好有口感 另外小編推介佢哋自家製嘅雲吞水餃，韭菜餃同魚皮餃都好高質，超大隻，裏面好多餡，而且個皮都好薄，食得出同平時好唔同，真心高質！另外，小編覺得聖子都好鮮甜，手打下院好彈牙，即炸紫菜響鈴好鬆軟，到最後食埋個烏冬，真係好飽