金麥泰泰國菜館

營業中

休息中

呢排約咗朋友去九龍城食飯，去得九龍城梗係要食泰國菜; 之前已經食過呢間餐廳幾次，價錢實惠之餘，味道都好唔錯。平時都幾多人幫襯，今次無book位就去食，咁岩餐廳已經滿哂人，要等一陣先有位坐。 🦐泰式炸蝦餅蝦餅嘅份量都好多，一份都有六大件蝦餅，仲要每一件嘅外皮都炸到勁卜卜脆，內裡嘅蝦肉好彈牙。 🍲冬蔭功湯（小）冬蔭功湯唔算好辣，唔係好食得辣嘅朋友去飲都應該無問題，湯嘅材料都幾豐富，有好多菇同埋三隻大蝦。 🥩泰式燒豬頸肉豬頸肉口感爽口彈牙，表皮燒到有少少焦脆，香口又惹味，再配埋泰式酸辣汁，味道更滋味。 🥬泰式馬拉盞通菜馬來盞醬充滿蝦味同咸香，爽脆嘅通菜吸收哂醬汁嘅味道，好入味。 🍚泰式蝦膏炒飯（小）炒飯嘅配料都幾豐富，有蝦、肉鬆、碎蛋等，飯粒炒完之後仲保持到粒粒分明，每一淡都食到蝦膏嘅味道。 🍜乾炒金邊河粉金邊粉嘅份量都幾大份，味道酸酸甜甜，非常開胃。🥤 咸檸七咸檸七生津解渴，好岩食味道偏濃嘅泰國菜嘅時候飲。