驚安燒肉商店

營業中

休息中

年尾日日都凍，出嚟食飯，好多時唔係打邊爐就係食燒肉，今晚都唔例外。尖沙咀呢間燒肉店地方闊落，枱與枱之間都有足夠位置，放埋九宮格上枱都仲有好多位。而家午市同宵夜有59折，真係好抵食。呢度既特色係九宮格燒肉，九款唔同既燒肉，豐儉由人。當然，燒肉以外都有其他選擇。和牛多士 $248和牛多士好夠份量，一咬會感受香脆多士包住豐富肉汁，而且口感滿滿。和牛棒 (附月見) $48平時食開免治雞肉棒，今次食和牛版，感覺係有升級，口感更實在，啖啖和牛。雞皮餃子 $48香脆口感更勝一般餃子，沙律醬最夾。紫菜月見飯 $28一大碗蛋汁紫菜飯，個人應為食燒肉真係走唔甩。上•九宮格 $388入門版既九宮格已有多款食材。和牛三角腩、和牛五花、和牛赤身、極黑和牛、和牛三筋、一口和牛、厚切牛舌芯、韓式護心肉及壺漬牛肋肉，基本上要油脂有油脂，要口感有口感，要調味肉亦得。枱上有供應醬汁調味，抽風值得一讚，唔覺一大陣燒肉味。手打香水檸檬茶 $28食到咁上下覺得膩，飲杯手打香水檸檬茶解解膩又可以繼續。