澳門翠苑餐廳

營業中

休息中

我一直想黎呢間食我至愛的豬扒飽，惟朋友唔鍾意熟食中心環境，所以我經過親都係只可以遠觀，而唔可以去食。是日放工後自己一個去旺角行左一陣街，見肚餓又唔想食咁多野，我就突然諗起想食呢間久遺的萄式豬扒飽同金牌凍咖啡。呢個J餐係全日都可以食到，買完店員親自送上，只需要係枱面擺出號牌。個葡式豬扒飽係即做，飽外脆內軟，個飽仲暖暖地，而廚房亦一早將個飽切左一半方便進食。飽餡除左豬扒外，仲落左洋葱，洋葱份量也不少。豬扒鬆軟、好林，冇骨，入味，當然好食過大部份茶餐廳。個"洋葱豬扒" 飽夾埋一齊食，真係絶配，夾左洋葱，唔駛咁齋只食豬扒。平時我都好少會飲凍飲，但呢度杯金牌凍咖啡係例外，咖啡味濃，有少許咖啡粉係面，都幾特別，令凍咖啡有更濃咖啡味。