韓閣 (已結業)

已經多年冇食過韓國炸雞，今日經過黃大仙見到開左一間韓國餐廳，就走左入去食喇。見到啲圖片嘅炸雞感覺好少，所以我地2個人叫左2個半份嘅炸雞，完全食唔晒呀！最後打包走人。絕對係眼闊肚窄。🍗半半雞 （蜂蜜牛油味+甜酸醬油味）啲雞好juicy, 一啲都唔鞋。本人就覺得蜂蜜牛油味好讚👍🏻蜜糖味好濃。可能因為食左蜂蜜牛油味先嘅原因，之後食甜酸醬油味就覺得冇咩特別喇。🧀芝士岩漿炒飯炒飯入面有泡菜同五花腩，加上超級無敵多拉絲芝士，芝士迷絕對值得一試。🍟香草薯條唔貴但分量算多，cp值高，味道不過不失。