鄧媽媽過橋水餃 (已結業)

正是大家都知道葵芳其實好少餐廳選擇，因為附近好多工廠同商業大廈，每一間餐廳其實中午都好多人等位。所以今日行過就入咗去一間冇咁多人嘅一炮而紅，食下好耐冇食過嘅泡飯。一個人去食，只係叫咗一個燒醬骨泡飯($42)。其實睇個餐牌選擇真係唔多。咁就問吓個員工可唔可以將個燒醬骨拉麵轉做泡飯，佢話ok。佢哋呢度要自己出去收銀到比完錢先，然後再坐返埋位等，等咗大概幾分鐘就送到黎。個泡飯湯底主要都係食到啲醬骨既味，啲肉做得好腍身，配搭埋個泡飯，都幾惹味，而如果平時冇乜胃口或者唔想食太重口味都可以嚟呢度試吓。