影片
更多
2022-04-27
366 瀏覽
好耐冇出晚市啦🥹 我最近就去咗尖沙咀嘅蘇媽蘇媽 咁呢一間比較特別 因為佢同一間酒吧合作 鋪面前面係酒吧 入邊就係蘇媽😝 店員會俾個QR code你 就可以喺QR code入邊落單啦😆肉骨茶豬腳彎 $56肉骨茶好味 我嗌咗豬腳彎 佢本身都有好多款肉揀有五大塊豬腳彎 份量幾多😘 皮位炆到好冧 肉質就比較結實 另外有啲係筋膜部分 炆到入味👍🏻 餐廳建議加蒜蓉、辣椒、黑豉油呀同頭抽落去一齊食🤓 另外肉骨茶嘅味道 我覺得係柔和 唔會話過強嘅藥材味 飲落去係好舒服㗎😍特製辣椒板麵 $62撈麵有好多唔同嘅配料 佢嘅辣醬辣味十足 用少少已經好出味🥳 佢用咗板麵 麵條扁身 每一條都可以沾上黑豉油 所以食落去都好濃味但唔會太咸👏🏻 配有魚乾仔、豬油渣、蝦乾等 鹹鹹香香💕 檳城亞參叻沙 $58比平時一般嘅喇沙或者味道唔同 配料包括有洋蔥、菠蘿 一般喺喇沙都好少見😜 湯底都幾辣 會好啱鍾意辣嘅朋友🌶 湯底除咗重辣味之外 仲帶點酸味 可能因為有菠蘿🍍 另外有得加一個醬汁 甜甜哋海南鴛鴦燒麵包 $42咖啡色嘅麵包係焦糖海南麵包 呢一個多士比較一般嘅班斕多士有少少唔同 中間多咗一層牛油😍 外觀上顏色配搭都
肉骨茶豬腳彎 $56
肉骨茶好味 我嗌咗豬腳彎 佢本身都有好多款肉揀有五大塊豬腳彎 份量幾多😘 皮位炆到好冧 肉質就比較結實 另外有啲係筋膜部分 炆到入味👍🏻 餐廳建議加蒜蓉、辣椒、黑豉油呀同頭抽落去一齊食🤓 另外肉骨茶嘅味道 我覺得係柔和 唔會話過強嘅藥材味 飲落去係好舒服㗎😍
特製辣椒板麵 $62
撈麵有好多唔同嘅配料 佢嘅辣醬辣味十足 用少少已經好出味🥳 佢用咗板麵 麵條扁身 每一條都可以沾上黑豉油 所以食落去都好濃味但唔會太咸👏🏻 配有魚乾仔、豬油渣、蝦乾等 鹹鹹香香💕
檳城亞參叻沙 $58
比平時一般嘅喇沙或者味道唔同 配料包括有洋蔥、菠蘿 一般喺喇沙都好少見😜 湯底都幾辣 會好啱鍾意辣嘅朋友🌶 湯底除咗重辣味之外 仲帶點酸味 可能因為有菠蘿🍍 另外有得加一個醬汁 甜甜哋
海南鴛鴦燒麵包 $42
咖啡色嘅麵包係焦糖海南麵包 呢一個多士比較一般嘅班斕多士有少少唔同 中間多咗一層牛油😍 外觀上顏色配搭都幾靚👏🏻牛油配班斕醬都幾配合到 唔會太霸道 加上班爛味濃又香🤤
美祿恐龍 $36
每次食星馬泰都一定會叫返一杯美祿恐龍🦖 朱古力上面鋪咗好多美祿粉😍😍😍而且將啲美祿粉浸落朱古力之後 佢就變咗結結地嘅固體美祿糖咁樣啦🤩
馬來西亞拉茶 $20
呢杯拉茶要求咗多奶 你可以喺個app度揀要多奶定少奶 或者正常😜 奶茶飲落去都幾滑身 而且唔會太甜☺️
張貼
