麥當勞 (星光行)

營業中

休息中

琴日星期日放假，於是同朋友約咗去尖沙咀海港城睇聖誕樹同影相，影到六點咁上下，我哋就覺得肚餓，於是我哋去咗附近睇吓有啲咩嘢食，由於我個朋友儲緊錢，入到去海港城搵嘢食，佢咩都話貴😌😌😌，於是我哋唯有行返出去，去搵下附近其他嘢食，搵嚟搵去都搵唔到啲平得來又好食嘅嘢，於是我就同佢講，簡單啲啦，食麥當勞啦，平靚正！😂😂跟住我哋就去咗梳士巴利道間麥當勞食，我嗌咗豬柳包套餐，整體用餐感覺都唔錯，首先個豬柳包入邊嘅豬柳同雞蛋都係熱辣辣，加上個薯條又係熱辣辣同埋好脆口，加埋杯汽水，感覺一流！👍👍