Burger Joys (士丹利街) (已結業)

係疫情下，老公唔俾出街食。所以我每次出街食都會揀間正既，唔好浪費左我既quote 。而呢間漢堡店既漢堡就係我榜上一定要食既餐廳。不過對我來講，非點不可係士多啤梨奶昔。記得上次黎，我大緊肚無得飲，今次仲唔俾我飲返夠本。士多啤梨奶昔係用雲糕打出黎，所以好creamy 軟滑。黑松露薯條係即點即炸，熱辣辣兼香脆可口。最正係佢既黑松露醬一D都唔吝嗇，非常香濃美味。而黎呢到緊係食漢堡包，我點左最普通既牛肉漢single burger。我覺得咩配菜都唔加既牛肉漢堡先食到漢堡包既原味和質素。牛肉漢堡juicy 多汁，唔會煎得太乾，而且加上香脆新鮮既生菜、洋蔥和蕃茄，每一啖都好fresh。所以呢間餐廳既漢堡係我必食之選。