影片
更多
2021-01-03
62 瀏覽
今日去左我以前成日幫襯嘅 #李家👭🏻，順便可以止吓無得去韓國旅行嘅渴😅^_^一坐低點完野食，就送上兩個小食，有我好鍾意嘅醃蘿蔔同沙律。我叫左 #原味無骨炸雞，佢係配一個甜辣醬。一碟有大約十幾件炸雞，咬落去真係脆卜卜，炸得香口之餘又無油膩感覺。脆皮包住嘅雞肉嫩滑多汁，仲要無骨啖啖肉，唔使20分鐘我哋已經將整碟消滅得七七八八✌🏻家姐平時好喜歡食冷烏冬，我今次就點左個 #水冷麵 俾佢試吓。果然係韓國人主理嘅正宗韓國菜，佢好細心準備鉸剪俾你剪碎(短)冷麵，碗裡面有3大舊冰去保持冷凍感，仲有醋、芥末俾我哋自己去調味，同去韓國旅行時食到嘅一樣喎👍🏻。因為我太懷念之前响韓國街邊食炒辣年糕，所以我又加多個 #芝士辣海鮮炒年糕，點知原來係咁大碟😅除左年糕仲有烏冬，真係好飽好飽😂不過佢啲大蝦燒得唔錯，好入味😋啲魷魚、青口、墨魚仔都夠爽口。不得不提就係佢啲芝士多到，可以啖啖拎上嚟都拉到長長嘅絲，仲擔當左中和辣味嘅角色。其實我覺得唔算辣，個味都係同我响韓國食到嘅一樣🤩家姐見到彩虹soda drink，就點左一杯 #藍色多惱河，甜甜地又有氣，真係超級襯個炸雞呀😍 家姐好欣賞呢餐豐富而又高質素嘅午餐，希望第日佢可
一坐低點完野食，就送上兩個小食，有我好鍾意嘅醃蘿蔔同沙律。
我叫左 #原味無骨炸雞，佢係配一個甜辣醬。一碟有大約十幾件炸雞，咬落去真係脆卜卜，炸得香口之餘又無油膩感覺。脆皮包住嘅雞肉嫩滑多汁，仲要無骨啖啖肉，唔使20分鐘我哋已經將整碟消滅得七七八八✌🏻
家姐平時好喜歡食冷烏冬，我今次就點左個 #水冷麵 俾佢試吓。果然係韓國人主理嘅正宗韓國菜，佢好細心準備鉸剪俾你剪碎(短)冷麵，碗裡面有3大舊冰去保持冷凍感，仲有醋、芥末俾我哋自己去調味，同去韓國旅行時食到嘅一樣喎👍🏻。
因為我太懷念之前响韓國街邊食炒辣年糕，所以我又加多個 #芝士辣海鮮炒年糕，點知原來係咁大碟😅除左年糕仲有烏冬，真係好飽好飽😂不過佢啲大蝦燒得唔錯，好入味😋啲魷魚、青口、墨魚仔都夠爽口。不得不提就係佢啲芝士多到，可以啖啖拎上嚟都拉到長長嘅絲，仲擔當左中和辣味嘅角色。其實我覺得唔算辣，個味都係同我响韓國食到嘅一樣🤩
家姐見到彩虹soda drink，就點左一杯 #藍色多惱河，甜甜地又有氣，真係超級襯個炸雞呀😍 家姐好欣賞呢餐豐富而又高質素嘅午餐，希望第日佢可以帶返我去食好嘢啦😉
張貼
