丼瀛 (已結業)

觀塘人多車多食肆仲多，無意中去到呢個商場，發現呢間店舖嘅日本料理好多款式，有串燒、爐端燒、丼、壽司、刺身，沙律甚至連佐酒小食都有，於是入去試下🥢日本直達三點刺身盛（金目鯛2切，油甘魚2切，深海池魚2切）＄188三款刺身都非常厚切▫️金目鯛輕輕燒過表面，魚皮爽脆▫️油甘魚腍滑▫️深海池魚鮮甜爽口🥢海膽油甘魚丼（油甘魚3件、蔥油甘魚、海膽一格）＄158油甘魚鮮甜，蔥油甘魚清新得嚟有芝麻香，海膽雖然得一格但份量都唔算少🥢碎蔥吞拿魚腩海膽卷（4件）＄78下面係清爽嘅青瓜反卷，上面有肥美吞拿魚腩蓉以及海膽，再加埋辛辣清爽嘅香蔥，成舊放入口非常充實🥢蟹籽壽司 ＄18蟹籽脆卜卜一貫的好味