Boat Thai

營業中

休息中

好鍾意食泰國菜嘅我，又去咗「Boat Thai」食晚飯，今次試下其他菜式先。*此餐廳收取加一服務費。鳳尾蝦炒金邊粉（單點$88），鳳尾蝦肉質爽口，味道鮮甜，金邊粉口感乾濕適中，味道甜酸，配以青檸汁、花生碎、辣椒粉食用，味道正宗，配料包括有芽菜、豆乾、雞蛋、香蔥。太陽蛋炒香葉肉碎飯（單點$78），肉碎份量多，肉質半肥瘦，味道鹹香帶辣、帶有香葉味道，撈飯一流，將太陽蛋整碎後，喺肉碎飯中食到雞蛋嘅蛋香味道，簡直係昇華咗個整體味道。泰式青木瓜沙律（單點$78），好足料，內有青木瓜、紅蘿蔔、豆角、花生、生菜，味道酸辣，配以櫻花蝦食用，味道鹹鮮。炸蝦餅（單點$58），即叫即炸，口感外酥脆內彈牙，食落有鮮味，配以泰式甜辣醬食用，味道更佳。泰式菠蘿刨冰（單點$38），採用新鮮菠蘿鮮榨，味道清甜帶酸，飲落好清爽。泰式奶茶（單點$25），茶味濃香，甜度適中。