協奏坊西餐廳

營業中

休息中

黎到銅鑼灣香港珀麗酒店既協奏坊西餐廳食semi-lunch buffet，一份自選主菜，其他野就可以自由任拎。 有即切牛肉/火腿、當日熱盤有梅菜扣肉同魚片時蔬，有D炸物、包、沙律吧、湯品、甜品雪糕、咖啡或茶。黑白西洋棋既裝潢好有格調，樓底高更顯舒適。照燒汁比目魚，非常香滑，肉質鮮嫩! 佢個皮煎到金黃香脆，又好有油香。得意既係配搭左一堆木魚碎，更加惹味帶魚香，仲有烤過既蕃薯都係好美味。香煎鴨胸配車厘子汁，煙鴨胸顏色嫩紅，肉質軟腍，點住車厘子汁醬汁食，開胃去膩感!現場即切燒牛肉同煙火腿味道都好，每次限取兩塊唔會浪費。甜品每樣細件細件，當中藍莓芝士餅同埋玫瑰荔枝味既慕絲，仲有一D新鮮水果好似哈密瓜、西瓜同菠蘿等等， 可以就咁食又可以玩下朱古力噴泉，生果香甜好味!另外我覺得炸物同春卷都好味。雖然呢度既自助吧唔算太多選擇，但主菜都不錯同埋午餐黎講呢個價錢又有個自助吧~我覺得都夠晒數。