The Salted Pig (新都會廣場) (已結業)

今日黎到葵芳既「The Salted Pig」食晚餐，今次安排坐卡位，十分寬躺，幾個朋友食飯聚會吹水都不錯。黎到就叫咗太平洋蟹餅，一碟有兩舊，出面炸到脆身，咬入去蟹肉都算多，上面有啲沙律醬，再增添口感。之後叫咗吞拿魚沙律，份量都唔少，重點係個半熟吞拿魚都幾好味，仲有流心蛋。意粉方面就叫咗蒜香蜆肉意粉，食落唔辣，食到酒香同蒜香味，蜆肉比想像中多，如果意粉份量再多啲啲就更好啦。另外仲叫咗西班牙海鮮燴飯，見到有大大隻蝦同青口係面，賣相十分吸引，啲汁食落酸酸地，令人好開胃。黎到當然唔少得叫豬肋骨，啲豬肉都整得好冧，骨肉分離，而且啖啖都好入味，配菜仲有薯條添。