迷客夏 (已結業)

聽台灣嘅朋友講迷客夏係台灣係好受歡迎同好好飲見到原來香港都開咗分店於是就黎試吓啦喺Menu度睇咗一睇發現其實選擇唔係太多台灣朋友話出名啲嘅係芋頭系列但係除咗芋頭系列之外選擇就限於奶茶最後帶咗三個嘢飲包括紅豆烏龍茶拿鐵黑糖珍珠奶茶同埋大甲芋頭鮮奶先講紅豆烏龍拿鐵其實味道好夠 茶味濃郁而且紅豆粒粒分明一路飲嘅時候每一啖都有足夠份量嘅紅豆所以其實係幾好飲嘅不過至於呢個黑糖珍珠鮮奶就伏伏地喇首先所有糖同冰都係正常份量飲落口其實偏甜而且冇乜奶味只有糖水味同附近嘅The alley 相比呢個黑糖珍珠奶茶就遜色得多最後都出名嘅芋頭系列所謂嘅大甲芋頭其實係台灣嘅一個地方叫做大甲嗰度出產嘅芋頭特別好食所以大甲芋頭系列係指用大甲出產嘅芋頭整成嘅嘢飲主打嘢飲果然係有啲實力嘅芋頭份量10分足夠每一啖都有芋泥而且一啲都唔濟同茶嘅味道十分之夾好推薦呢個芋頭綠茶拿鐵飲完覺得份量唔夠啊😋