滷友記 (華都中心)

營業中

休息中

朋友同我都好鐘意食台灣野，可惜仲未去到台灣旅行，唯有去滷友記叫住啲台灣小食滿足下個胃先🥳今次叫左以下咁多野食，全部都好滿意🤗🌟古法滷水五花肉飯🌟五花肉非常入味又口感鬆軟，加上滷肉一齊食，五花肉味道更加提升，軟腍口感加上滷肉，真係完美到不得了🤩🌟溏心蛋肉燥飯🌟糖心蛋有流心嘅口感，滷肉飯有少少肥肉令到油脂香味更加突出，肉操嘅份量好多夠撈哂成碗飯。🌟滷水雞翼🌟滷水雞翼超入味，加埋有少少芝麻做點綴，更香。🌟生炸大雞髀🌟雞脾大大隻，見到賣相已經好吸引，加上炸到好香脆，肉質嫩滑。🌟鮮檸檬薏米水🌟清熱去濕之選，鮮檸檬令到味道更加酸酸甜甜。