丸亀製麵 (已結業)

丸龜製麵從日本登陸香港, 宜加係全球都有好多分店, 堅持住即製即煮即食! 分店採用自助形式, 選好烏冬 可揀配菜或野飲 然後結賬,之後自己去調味吧加調味或裝水。今日揀左冷烏冬(中) 加配炸雞加腐皮山葵壽司冷烏冬有中同大的份量, 之前尖沙咀食左個大,我自己就真係好困難先食得晒, 之後我寧願一個中烏冬 加配菜喇。招牌烏冬夠彈牙，唔會太淋;腐皮山葵壽司, 我超鍾意, 甜甜既腐皮配上裡面有少少辣既山葵, 真係好夾。速食店黎講係有質素的!食完自己個餐, 可仿傚日本自己收拾自己既食具放入返卻口喔!