串爆

營業中

休息中

呢區不嬲都好多野食，之前食過一次串爆，今次朋友又話想黎食多次，點知今次食好有驚喜。本身好唔食得辣嘅我上次食嘅時候印象中好辣但今次揀咗bb辣，很不錯，可以食到辣嘅香料味又唔會太辣。  串燒嘅選擇多，菜同肉嘅選擇一半半，都食肉獸同埋想食菜嘅都有好多選擇。唔想食極都係同一隻味都可以叫下啲小食。 不過唔食辣嘅人要小心就係涼伴嘅都係辣嘅，但棒棒雞同蒜泥青瓜都推介。     飲品叫咗冰紅茶同酸梅湯，酸梅湯都偏濃味，個串燒汁底都好濃郁，所以如果想清啲可以叫其他。  個湯底睇個樣都知好濃郁，不過係啲辣感會累積嗰隻，bb辣真係剛好。  午餐肉好容易會碎開跌入湯底，要撩下個底睇下有無食剩。  總括而言，鍾意食呢種香料味濃郁或者食辣嘅嘅人可以嚟食，一款食物一串，唔覺唔覺就可以食返夠本！