串囍

營業中

休息中

最近去咗屯門置樂區一間叫串囍嘅小店食串燒，呢度好適合飲吓生啤食吓串燒同朋友傾吓偈👍🏻串燒套餐價錢都OK，有一款套餐包兩杯生啤再加六串 串燒，有串燒食之外都有麵同飯選擇。叫咗一個醬燒新鮮鰻魚飯，幾特別佢哋落咗桂花落去，鰻魚好厚肉，不過略嫌味道偏淡，如果多番多啲醬油同調味就會好味好多😆叫咗個串燒拼盤，全部都係雞，有雞軟骨三角，雞膝軟骨，雞尾，雞頸肉，雞腎同雞皮。全部都燒到好香口啱晒用嚟送啤酒，最鍾意燒雞皮😋蔬菜類嗌咗燒韭菜同埋日本蛋蟹肉大啡菇，個人幾鍾意食大啡菇加埋流心蛋幾Juicy。仲叫咗燒生蠔，生蠔厚肉肥美，而且肉汁夠多蒜蓉味濃郁好食呢👍🏻牛舌同雞翼都不錯😃😃另外仲追加咗唐陽魷魚鬚，呢個魷魚鬚好食，外層酥脆，炸粉唔會過厚。