黑木 (已結業)

Omakase已經食過幾次, 但係串燒嘅omakase真係頭一次食。黑木高質嘅食材加上用心既製作真係令我大開眼界。先黎九州走地雞雞髀肉加上雞軟骨既雞肉棒。雞肉嫩滑有雞味之餘仲好彈牙，溫泉蛋好濃郁，實在驚喜。沙律係魚仔配西班牙蜜瓜，魚好鮮味。甜甜地既醬汁加上新鮮晚蔬菜，非常醒胃。鱈魚乾不用多講，係好好既佐酒小吃。入口香脆，加上味道濃既蛋黃醬，真係一口接一口。鯖魚配沖繩海藻。鯖魚刺身非常鮮味，一啲都唔腥，同酸酸既海藻，配搭剛好。南非燒鮑魚可能係呢餐最貴既食才。呢度燒嘅鮑魚新鮮彈牙唔韌，呢啲甜甜地嘅醬汁，烤得好香，同隻鮑魚嘅口感好夾。明太子配青瓜青瓜。用嘅食材雖然唔係好名貴但係配搭一流。肉青瓜非常爽脆，味道清甜。加上濃味既明太子鹹香，非常有層次。燒鰻魚有別於蒲燒鰻魚嘅做法。先蒸後燒，所以鰻魚肉質肥美軟淋，而外皮卻帶脆香煙韌感。再加上香氣滿溢既柚子皮碎，入口豐盈有序，口感層次好出衆。鹿兒島豚肉配粟米芯。好味嘅菜式不需要花巧。豚肉片得好薄好薄，但卻燒得啱啱好。包住爽脆粟米芯，口感細緻。加上蒜蓉牛油醬，非常惹味。北海道十勝椰子牛。和牛有獨特既甜香味。可能真係食椰子長大既牛。牛肉入口軟淋，油脂份量剛