一口沙嗲專門店

營業中

休息中

估唔到一間小舖頭既串燒都令我咁深刻，寫篇食評，本身諗住同朋友聚會，又唔知食咩好，見到網上面介紹呢個買串燒又有一個細細地嘅燒烤爐，好似幾方便咁，好適合一班朋友一路玩一路食。我就買咗豬雞羊牛各一包，每包都有70幾蚊至80幾蚊，一包有12串，我順便買埋個燒烤爐，細細地，之後買日本燒肉自己煮下都好。佢仲有啲醬汁，一包就係花生醬，一包就係有辣味嘅，食嘅時候我就將兩包將一齊撈埋哈哈，首先擺串燒喺爐上面，因為佢細細部，所以唔算多油煙，我開住冷氣燒都冇乜問題，味道亦都唔會搞到成間屋都係。至於燒烤爐入面可以擺串燒同埋醬汁一齊煮，可以慳返啲時間。串燒我就開咗三包，分別係豬雞牛，我鍾意佢嘅肉唔係落咗鬆肉粉咁冧，除咗有咬口之外，又有肉味。撈埋佢嘅沙嗲醬就更惹味了。睇返介紹，原來這家傳正宗沙嗲風味已經歷了三代，這祖傳祕方來自馬來西亞。