回憶客棧 (富臨門大廈)

營業中

休息中

做左成個星期野，終於可以放鬆下～😚我地黎左呢間食串燒同花甲粉既回憶客棧，食下串燒飲兩杯chill下🍻我地一黎就叫左一份花甲花蟹粉，因為見網上對佢地花甲粉好評十足。通常食呢類我都會先飲啖湯～😆因為有花甲同蟹係入面，所以湯好鮮甜！花蟹尺寸較細，但都有好多膏而且蟹味好香濃～花甲分量都唔少，都有六七隻，啲肉好鮮甜！最正係粉絲索哂湯汁，兩個人食一份剛剛好。必嗌！😍黎得串燒店，點可以唔叫燒物。我地叫左燒鰻魚串、安格斯牛柳粒、雞泡魚乾、燒豬仔肉同埋半打燒蠔。鰻魚串好正！唔會腥，而且個汁唔會死甜。又係必嗌之選🤣牛柳粒做左簡單調味，肉味都濃，有幾粒燒得岩好，但有幾粒就燒過火左啲啲，咬落相對比較靭。但都明白因為牛柳粒本身粒粒大小不一，一齊燒又要做到粒粒平均好難。雞泡魚乾都唔錯，作為佐酒小食同前菜冇得輸！👍🏻而我地全晚最期待就係燒蠔🤤蠔尺寸唔細，蠔味好濃 ，連埋葱蒜一齊食好惹味～我地見花甲粉仲有粉絲，就連埋蒜一齊食，絕配🤭整體黎講，今餐我地慢慢食下飲下酒咁好舒服好滿足～☺️而且食物價錢唔貴，平均每人150至200就可以食得好飽。