深宵食堂 (已結業)

好出名嘅深宵食堂，可能我抱有太大期望，所以到最後有少少失望。呢個一口牛係不錯的，唔會好韌又有啲咬感。不過又唔算係有好香嘅牛肉味。呢個雞翼我好鐘意，超推介！炸得好香脆，而且雞翼仲好有肉汁好嫩滑。呢個烏冬幾好味，不過比我想像中細碟，但係味道真係幾好。呢個茄子我好唔鐘意，因為落得太多粉，我完全食唔到茄子嘅味道，淨係食到啲粉，成口都係粉。最後有芝士年糕，我都係覺得好普通，加上外觀不討好。整體而言，我會推介芝麻雞翼同炒烏冬！唔洗排隊值得食，如果要排隊我覺得就唔太值得等。不過如果你喜歡飲酒又約埋幾個朋友吹水係一個不錯的選擇。