串燒咖啡 (已結業)

同朋友黎到呢間與世隔絕嘅小Cafe，雖然開門時間幾晏（1點）同位置有少少難搵，但內部空間幾寬敞，裝修都唔錯。仲有好多玩具可以拎黎玩，等野食嘅時間絕對唔會悶玩左一陣層層疊就有野飲啦！杯薄荷朱古力幾好味，好清新嘅薄荷味，而朱古力味又唔會太甜，2者之間平衡等唔錯，冬天熱辣辣飲幾暖身之後就上串燒了！太興奮唔記得影相XD強烈推介金菇肥牛，啲肥牛唔會太肥，金菇又爽口，啲燒汁幾入味，食得幾滿足！羊架都好好味，冇燒到燒焦黑晒，同樣好入味，羊肉唔膻又冇太乾，肉質都幾嫩。但其他個人就覺得一般。例如個帶子串燒，雖然粒帶子好大粒，但唔知點解勁咸，雖然係爽口但食唔到帶子味，有啲失望。最後叫左早餐，個人覺得除左煙三文魚唔錯之外，其他都普普通通。最失望都係個華夫餅，非常甜又唔脆，可能係個人口味問題啦原本仲叫左個餐，但因為上菜速度太慢（等左1.5個鐘先上左以上幾樣），於是就走啦。總結黎講啲串燒係唔錯嘅，但其他一般，冇乜特別咁，最慘係等左好耐先食得少少，都幾遺憾